Komîsyona Belgekirina Sucên Qirkirina Gelê Kurd ku ji kesên xwebexş, hiquqnas û çalakvanên Başûrê Kurdistanê pêk tê, li dijî sûcên şer ên dewleta Tirk ên li Rojava, bi hevkariya Nûnertiya Rêveberiya Xweseriya Demokratîk a Bakûr û Rojhilatê Suriyê kampanyaya îmzeyan dabû destpêkirin.
Komîsyonê, di 11’yê mijdarê de li avahiya Nunertiya Xweseriya Demokratîk a Bakur û Rojhilatê Suriyeyê ya li Silêmaniyê, li gel rêveberiya nûnertiyê civînek çapemeniyê lidar xistibû û têkildarî kampanyayê zanyarî dabûn.
Komîsyonê eşkere kiribû ku kampanyaya wan li Rojava hatiye destpêkirin û ewê li Başûr jî di vê çarçoveyê de îmzeyên penaberên Rojava kom bikin.
Di çarçoveya kampanyayê de endamên komîsyonê duh çûn serdana malbata zaroka bi navê Sara ya 8 salî ku di êrîşa dewleta Tirk a li ser bajarê Qamişlo yê Rojava de lingekî xwe winda kiribû. Îro jî endamên komîsyonê ji bo komkirina îmzeyan serdana Wargeha Barik ya pênaberan a li herêma Silêmaniyê kirin.
Komîsyona Belgekirina Sucên Qirkirina Gelê Kurd li Rojava û Başûrê Kurdistanê îmze ji kesên bûne qûrbanê dagirkeriya dewleta Tirk û çeteyên wê kom dikin. Piştî ku kampanya hat ragihandin, li Rojava îmze hatin komkirin û niha jî wargehên penaberan yên li Silêmanî, Dihok û Hewlêr berdewam dike.
Jina penaber ya bi navê Semîre Nebî ev 8 sale ji ber zilm û zordariya çeteyên DAIŞ penaberê wargeha Barik ya li Silêmaniyê bûye. Semîre îmzeya xwe avêt û got; “Me ziyanek mezin ji şer dît û hertim di nava şer de bûn. Niha jî ev nêzî 8 sale em li virin û hêviya vegera ser axa xwene. Ger dadgehek parastina mafê mirovan hebe, bila mafê me bidin.”
Têpayîn endamên lijneyê ji bo komkirina îmzeyan di rojên pêş de serdana wargehên Hewlêr û Dihokê jî bikin.
Komîsyona Belgekirina Sucên Qirkirina Gelê Kurd, di çarçoveya kampanyayê de dixwazin 100 hezar îmzeyên xelkê Rojava kombikin û dijî leşkerên Tirk weke belge bikarbînin û li dadgeha navnetewî doz vekin. Herwiha armancek din ya komîsyonê ewe ku dadgeha navnetewî tenzîmata madî û manevî ya qurbaniya bide. Tê payîn piştî ku 100 hezar îmze hatin komkirin, pêşkêşî serokên hemû welatên cîhanê jî were kirin.
