HIKUMETÊ RAGIHAND EW Ê HEYA DEMEKE NEDIYAR MÛÇE NEDIN
Wezareta Darayî ya Hikumeta Herêma Kurdistanê, ragihand ji ber ku çûnûhatin qût bûye heya demeke ne diyar ew ê nikaribin mûçeyan bidin.
Li ser vê yekê Fermandarê Tûgaya 3 û 7’an a Hêzên Pêşmerge Lîwa Eyûb Yûsif daxuyanî da û got;
“Eger mûçeyên me nedin em ê helwesteke cidî nîşan bidin.”
https://rojnews.news/ku/kurdistan/eger-muceyen-me-nedin-em-e-helwesteke-cidi-nisan-bidin-39428
Bandora vîrûsa Corona di her qadê jiyanê de xwe nîşan dide.
Li başûrê Kurdistanê hikumeta niha vê yekê wekî sedem nîşan dide û diyar dike ku ew ê heya demekê mûçeyan nedin.
Wezareta Darayî ya Hikûmeta Herêma Kurdistanê, vê yekê bi daxuyaniyekê ragihand û got;
Ji ber rawestandina çûnûhatina Silêmanî-Hewlêr, nikarin mûçeyan bidin û dayîna mûçeyan heta demeke nediyar jî hatiye sekinandin.
Fermandarê Tûgaya 3 û 7’an a Hêzên Pêşmerge Lîwa Eyûb Yûsif, nerazîbûn nîşanî vê biryarê da û got;
“Rewşa hêzên pêşmerge baş nîne. Lewma nabe di vê demê de mûçeyên me werin rawestandin an jî qutkirin.
Em her kesî agahdar dikin; eger hikûmeta Herêma Kurdistanê, berpirsên siyasî û aliyên ji vê rewşê berpirsiyar; di demeke herî nêzîk de mûçeyên pêşmergeyan dabîn nekin, em ê helwestên cidî nîşan bidin.”
