Li Çewlikê nêzî 100 zarok ji ber madeya cîwayê li dibistanekê bi jehrê ketin.
Xwendekarên dibistanên seretayî û navîn ên li Sancakê di 20’ê Îlonê de ji ber êşa li serî, zik, vereşandin, sorbûna beden, weşandina çerm, şewitîn, xura li çav û sergêjiyê çûn nexweşxaneyê.
Hevserokê HDP’ê yê rêxistina Çewlikê Veysî Kaya, Endamê Meclîsa Giştî ya Bajêr Îmdat Morsumbul û endamên meclîsa şaredariyê serdana zarokên li nexweşxaneyê û malbatên wan kir.
Veysel Kaya piştî serdanê ragihand ku bûyera jehrbûnê metirsîdar e û da zanîn ku 100 xwendekar bi jehrê ketine.
Derket holê ku madeya cîwa li dibistanê dîtine û piştî ku pê lîstine nexweşiyên bi vî rengî li wan peyda bûye.
Hevserokê HDP’ê, ji Wezareta Tenduristiyê û Yekîtiya Tabîbên Tirk xwest ku rewşa tenduristiyê ya zarokan ji nêz ve bişopînin, bûyerê lêkolîn bikin û mexdûriyetê çareser bikin.
