Li paytexta Hollanda Amsterdamê, li bajarê Grazê yê Awûstûryayê û li bajarê St. Gallen ê Swîsreyê li dijî êrişên dagirker ên dewleta Tirk çalakî pêk hatin.
Kurdên li bajarê Amsterdamê tevî dostên xwe li meydana Damê li hev kom bûn û piştgiriya xwe ya bi Rojava re nîşan dan.
Di mîtîngê de gelek Hollandayî û nûnerên rêxistinên civaka sivîl beşdar bûn.
Qisekeran dagirkeriya dewleta Tirk şermezar kirin û ji bo Rojava banga piştgiriya enternasyonalîst kirin.
Li bajarê Graz ê Awûstûryayê bi heman armancê mîtîngek pêk hat. Di mîtîngê de dagirkeriya dewleta Tirk hate şermezarkirin û ji bo piştgiriya bi Rojava re belavok hatin belavkirin.
Li kantona St. Gallen a Swîsreyê Tevgera Ciwanên Şoreşger û ciwanên enternasyonalîst ji bo Rojava meşek pêk anîn.
Di meşê de pankartên “Piştgiriya bi berxwedana Rojava re”, “Ji St. Gallenê heta Rojava şoreşê biparêze” hatin hildan.
