Rêxisitinên jinan û saziyên civaka sivîl sibe wê di saet 10:00’an de li pêşiya Muzexaneya Nîştimanî ya Emne Soreke ya Silêmaniyê meşek lidarxin û meş heya ber Ofîsa Parlamentoya Herêma Kurdistan a Silêmaniyê berdewam bike.
Tê payîn ku gelek rêxistinên jinan û rêxistinên civaka sivîl tevlî meşê bibin. Têkildarî meşê Seroka Rêxistina Dabîn ya ji bo Pêşxistina Demokrasî û Mafê Mirov Dilsoz Zengene, ji Rojnews’ê re axivî û diyar kir ku wan daxwaz ji sendîkaya şofêran jî kirine beşdarî meşa sibe bibin.
Hêjayî gotinê di 4’ê Kanûna 2019’an de Encûmena Bilind a Fedwa ya girêdayî Yekîtiya Alimên Îslamî ya Herêma Kurdistanê bi îddîaya ku karên ne li rê û ne exlaqî rû didin fetwayeke sosret derbarê jinan de da. Li gorî fedwayê nabe jin bi tenê bigerin, derkevin derveyî bajêr û li taksiyê siwar bibin.
