Li Erebîstana Siûdî ku qedexebû jin û zilam di heman deriyê re bikevin xwaringehan (restorantan) ji bo wê du diviyabû her restorantek du derîbin, hikûmet biryara bi dawî kirina vê qanûnê da.
Berê niha li Erebîstana Siûdî qedexebû jin û zilam di heman derî re bikevin restorantan, diviyabû her restorantek du deriyên wan heba. Ev jî weke qanûnekbû her restorantek neçarbû ku li gorî vê qanûnê tevbigere.
Serokatiya Şaredariyên Erebîstana Siûdî daxuyaniyek da û ragihand ku êdî mecbûriyeteke wisa nîne ku du derî ji bo jin û zilaman cûda hebin.
Di encama pêşketina têkoşîna jinan a li Rojhilata Navîn û cîhanê de li hinek welatan reformên civakî tên kirin. Di vê çarçoveyê de îsal nû destûr ji bo jinan hate dayîn bêyku zilamek li gel wan be, ajokariya wesayîtan bikin û pasaport bigirin.
