Pêşkêşvan: Bêrî Amed
Naveroka Nûçe
Namzetên Partiya Çep a Kesk, diçin kîjan bajarî, qefle qefle însan dibînin li meydanan…Rastî, di dîroka Tirkiyê de, milet ev çend bi daxwaz li bendî hilbijartinan mabû ya na, nizanim; lê îro ji mîtîngan, ji qelebalixa gel baş diyar dibe ku, êdî bi hesreta jiyanek azad û aram in..Û rêya xelasiyê jî di Partiya Çep a Kesk de dibînin..Lewma her serdanên namzetan, weke mîtîngan derbas dibe..Kermekin, çend dîmen ji wan serdanan.
Endamê Komîteya Rêveber a PKK’ê Duran Kalkan hilbijartinên 14’ê Gulanê şîrove kir…Duran Kalkan dibêje; niha tişta li pêşiya me ev e; acîlen vê deshilata talanê hilweşînin…Kalkan dibêje wek Tevgera Azadiyê em jî piştgirî didin hêzên demokratîk û azadîxwaz û wê di hilbijartinan de ev desthilata zalim sedî sed têk biçe.
Ji girtîgehê mesaj hene, bo hilbijartinê…Parlementerên HDP’ê yên berê Ayla Akat Ata û Sebahat Tuncel, ji zindana Sîncanê name şandin..Ew jî piştgirî didin Partiya Çep a Kesk û vê hişyariyê dikin: Baweriya xwe bi AKP-MHP’ê neynin, roja hilbijartinê bila bala we li ser sindoqan be, xwedî li dengên xwe derkevin.
Karsaz û welatparêzê Kurd Huseyîn Tûrelî, li Başurê Kurdistan, bajarê Dihokê, bi êrişek çekdarî hate qetilkirin…Nûnertiya HDP’ê ya li Hewlerê têkildarî bûyerê daxuyaniyek da û got; “Ev êriş ji aliyê MÎT’a Tirk ve hstiyr kirin.”
Li Stenbolê amadekariyên 1’ê Gulanê destpê kirin..Sendîkayên Karkeran, bi daxuyaniyekê plansaziya Cejna Karkeran eşekere kirin.
